Кнігі
"Паэтка з Боскай ласкі, прыроджана ўдумлівая, з уласным праніклівым лірычным голасам і з глыбока чуйнай душой, сваім непаўторным песнедарам, нібы прамытым крынічнай чысцінёй."
Мікола Арочка,
паэт, літаратуразнаўца
Спасціжэнне (2003)
Прыгожай, манлівай назвай зборніка вершаў "Спасціжэнне" Ірына Войтка даверліва запрашае цябе зрабіць вандроўку ў чароўную краіну Паэзіі. Лірычная жаночая душа, умела выкарыстоўваючы тонкія пачуцці, заварожыць цябе любоўю да прыроды роднага краю, прымусіць суперажываць разам з ёю, гаворачы пра каханне, навее прыемны роздум, разважаючы аб жыцці і чалавечым шчасці. Ірына Войтка – паэт-псіхолаг. Яна ўмее ўпраўляць людскімі пачуццямі. Раскрываючы перад чытачом сваю душу, яна падпарадкоўвае сабе ягоную
Пагляджу вачамі неба (2010)
"Пагляджу вачамі неба" – другая кніга вершаў Ірыны Войткі. Шуканне ісцін духоўных, асэнсаванне лёсу жанчыны ў кругазвароце жыцця – асноўныя матывы творчасці паэткі.
Кранаюся вечнасці (2021)
У трэцюю кнігу паэзіі Ірыны Войткі "Кранаюся вечнасці" ўвайшлі вершы прысвечаныя роднай зямлі, малой радзіме, роднаму беларускаму слову, сцвярджаецца непарыўнасць роднаснай сувязі пакаленняў, а таксама творы на духоўную і філасоўскую тэматыку.